Kæru sveitungar
Mánudaginn 16. nóvember verður Dagur íslenskrar tungu haldinn hátíðlegur í Hrafnagilsskóla. Hátíðin hefst klukkan 13:00 í íþróttasal skólans og stendur til kl. 14:45. Nemendur munu flytja atriði í tali og tónum sem tengjast þema dagsins en í þetta skiptið er það vatn. Einnig munu nemendur 7. bekkjar minnast Kristínar Sigfúsdóttur og flytja brot af kveðskap hennar.
Nemendur í 10. bekk standa fyrir kaffisölu að lokinni dagskrá. Þar verður standandi hlaðborð og eru verð eftirfarandi:
0-5 ára ókeypis
1.-10. bekkur 600 kr.
Þeir sem lokið hafa grunnskóla 1.200 kr.
Einnig munu nemendur 10. bekkjar selja margnota bökunarpappír, margnota pítsunet og gjafapakkningar sem innihalda kaffi og sælgæti. Enginn posi er á staðnum. Ágóðinn rennur í ferðasjóð bekkjarins.
Allir hjartanlega velkomnir.
Nemendur og starfsfólk Hrafnagilsskóla
Frá Laugalandsprestakalli
Messað veður í Hólakirkju sunnudaginn 15. nóvember kl 11:00.
Allir eru hjartanlega velkomnir.
Sóknarprestur
Þjóðbúningasaumur á Laugalandi í Eyjafirði
Að þessu sinni verður ein helgi fyrir áramót en þrjár á vorönn. Fyrsta helgin verður 21.-22. nóvember næstkomandi. Kennt verður laugardag og sunnudag frá
kl.10:00-17:00. Þessir kennslutímar er hugsaðir bæði fyrir þá sem eru að sauma þjóðbúning frá grunni eða vilja bæta og laga eldri búninga auk þeirra sem vinna að gerð faldbúninga.
Þessar námskeiðshelgar eru samvinnuverkefni sem hófst síðastliðinn vetur á milli Heimilisiðnaðarfélags Íslands og Handraðans.
Til þess að af þessum námskeiðshelgum verði þarf að vera nægileg þátttaka og því er mikilvægt að þeir sem ætla að taka þátt skrái sig í s. 551-5500 eða á netfangið skoli@heimilisidnadur.is.
Fjölskyldujólaboð
Minnum á fjölskyldujólaboðið okkar laugardaginn 12. desember n.k. Á matseðlinum eru síld, reyktur silungur og grafinn hlýri í forrétt, purusteik, hangikjöt og lambalæri í aðalrétt og í eftirrétt er jólagrautur og terta. Verð kr. 6.900 fyrir 11 ára og eldri, 50% afsláttur fyrir 5-10 ára og frítt fyrir 4ra ára og yngri. Borðapantanir eru í síma 463-1500 eða netfangið lambinn@lambinn.is.
Félagsvist hjá Umf. Samherjum
Kæru sveitungar. Er ekki kominn tími til að spila og spjalla?
Við hjá Umf. Samherjum langar til að bjóða ykkur í félagsvist fimmtudaginn 12. nóvember (þennan fimmtudag) í Hrafnagilsskóla stofum 5 og 6. Byrjað verður að spila kl. 20:00 og áætluð lok verða um kl. 22:00.
Í hléinu verður 10. bekkur Hrafnagilsskóla með kaffi- og vöfflusölu í fjáröflunarskini.
Kaffi kr. 150
Svali kr. 150
Vaffla kr. 250
Börn yngri en 12 ára verða að vera í fylgd með foreldrum eða forráðamönnum.
Hlökkum til að sjá ykkur.
Stjórn Umf. Samherja
Reykskynjarayfirferð og Neyðarkallinn 2015
Hin árlega reykskynjarayfirferð Dalbjargar var farin dagana 5.-7. nóvember. Þetta var með svipuðu sniði og undanfarin ár, en félagar Dalbjargar fóru í öll hús í sveitinni og seldu rafhlöður fyrir reykskynjara á kostnaðarverði. Við viljum sem áður minna á að ráðlagt er að skipta árlega um rafhlöður í reykskynjurum, sem og að skipta út gömlum búnaði. Nú þegar jólin nálgast með jólaljósum og kertum er góður tími til að taka til hendinni í þessum málum.
Samhliða yfirferðinni höfðum við Neyðarkallinn til sölu og eigum enn nokkur eintök.
Ykkur, sem hittuð félaga okkar um helgina, viljum við þakka kærlega fyrir góðar móttökur. Þeim sem voru ekki heima, en vilja samt nýta sér þessa þjónustu og kaupa rafhlöður, reykskynjara eða Neyðarkallinn, bendum við á að hafa samband við Kristján í síma 865 0129.
Hjálparsveitin Dalbjörg.
Auglýst er eftir umsóknum í Afreksmannasjóð UMSE
UMSE auglýsir eftir umsóknum í Afreksmannasjóð UMSE. Tilgangur sjóðsins er að styrkja einstaklinga eða hópa, innan UMSE, sem náð hafa framúrskarandi árangri í íþrótt sinni. Umsóknarfrestur í sjóðinn er til og með 1. desember n.k. og verður úthlutað úr sjóðunum 15. desember.
Vakin er athygli á því að að úthlutað í samræmi við reglugerð sjóðsins. Allar nánari upplýsingar má finna inn á heimasíðu UMSE, www.umse.is og þar er einnig að finna umsóknareyðublað.
Fjölskylduleikritið Klaufar og kóngsdætur hjá Freyvangsleikhúsinu
Viðtökur hafa verið góðar og sögðu gagnrýnendur meðal annars þetta: Hreint dásamleg fjölskylduskemmtan (Íris og Hjörleifur – freyvangur.net), býsna fagmannlega unnin sýning (Brynhildur Þórarinsdóttir – leiklist.is)
Næstu sýningar:
7. sýning sun. 15 nóv. kl. 14 UPPSELT
8. sýning fim. 19 nóv. kl. 20 UPPSELT
9. sýning fös. 20 nóv. kl. 20 UPPSELT
10. sýning lau. 28 nóv. kl. 14
11. sýning sun. 29 nóv. kl. 14
Miðapantanir og upplýsingar í síma 857-5598 virka daga kl. 17-19 og 10-13 um helgar – freyvangur.net – facebook.com/freyvangur – miðasala í Eymundsson Akureyri.
