Við minnum á að auglýsingar fyrir Auglýsingablaðið okkar verða að berast fyrir kl. 10 á þriðjudögum vegna breytinga á útburðadögum hjá Íslandspósti. Auglýsingar sendast á netfangið esveit@esveit.is.
Kæru sveitungar.
Á næstu dögum taka nemendur í 5. bekk þátt á átakinu ,,Börn hjálpa börnum“ sem ABC-hjálparstarf stendur fyrir. Börnin ætla að banka upp á hjá fólki og safna peningum í bauka merktu átakinu.
Þar sem nemendur í bekknum eru aðeins ellefu komast þeir því miður ekki á alla bæi sveitarinnar. Þess vegna hvetjum við þá sem búa á bæjum sem ekki verða heimsóttir að koma í skólann og hafa samband við Nönnu ritara þ.e.a.s. ef þeir vilja styrkja átakið.
Við biðjum alla að taka vel á móti söfnunarfólkinu en söfnuninni lýkur 17. apríl.
Bílaviðgerðir
Tek að mér viðgerðir og viðhald á flestum bílum og landbúnaðartækjum með aðstöðu á Holtseli . Endilega hafið samband fyrir frekari upplýsingar í síma
891-7943 Knútur
Aðalfundur Hjálparsveitarinnar Dalbjargar 2016
Aðalfundur Hjálparsveitarinnar Dalbjargar 2016 verður haldinn fimmtudagskvöldið 21. apríl, sumardaginn fyrsta, kl. 20.30 í Dalborg. Á dagskrá eru venjuleg aðalfundarstörf.
Kaffiveitingar verða í boði og vonumst við til að sjá sem flesta. Nýjir félagar eru boðnir velkomnir.
Kær kveðja,
Hjálparsveitin Dalbjörg
Aðalfundur Ferðamálafélags Eyjafjarðarsveitar
Aðalfundur Ferðamálafélags Eyjafjarðarsveitar verður haldinn miðvikudaginn 20. apríl kl. 20 á Lamb Inn Öngulsstöðum.
Dagskrá skv. lögum félagsins.
Stjórn Ferðamálafélags Eyjafjarðarsveitar
Æskan og hesturinn
Hestamannafélagið Funi auglýsir eftir áhugasömum börnum og unglingum til að taka þátt í og æfa fyrir sýninguna Æskan og hesturinn sem verður haldin á Akureyri í byrjun maí.
Skráning er hjá Söru á netfangið sara_arnbro@hotmail.com
Álfagallerý vinnustofa - Teigi
Verðum með opið um helgina 9. og 10. apríl, kl. 13-17.
Verið velkomin að skoða handverk og kíkja í kaffi.
Gerða og Fríður
Reiðskólinn í Ysta-Gerði – Konunámskeið
Vegna mikillar eftirspurnar ætlum við að bjóða upp á reiðnámskeið fyrir minna vanar konur. Námskeiðið verður 5 skipti frá 12. apríl til 11. maí á
þriðjudögum og miðvikudögum kl. 19.30.
Verð kr. 20.000.
Hestar, reiðtygi, hjálmar og öryggisvesti innifalið í verði.
Skráning hjá Söru á netfanginu sara_arnbro@hotmail.com
Reiðskólinn í Ysta-Gerði – Framhaldsnámskeið vorönn 2016
Í boði verður framhaldsnámskeið fyrir börn á grunnskólaaldri. Námskeiðið er 5 skipti frá 12. apríl til 11. maí. Kennt verður á þriðjudögum og miðvikudögum sem hér segir: kl. 18.00, 1.–3. bekkur og kl. 18.45, 4.-10. bekkur.
Verð kr.15.000.
Hestar, reiðtygi, hjálmar og öryggisvesti innifalið í verði.
Skráning hjá Söru á netfanginu sara_arnbro@hotmail.com
Pizzahlaðborð á Lamb Inn á föstudaginn
Nú á föstudaginn verður boðið upp á pizzahlaðborð á Lamb Inn í annað sinn í vetur. Í febrúar komust næstum því færri að en vildu, næstum því. Við ætlum því að endurtaka leikinn enda pizzurnar hjá henni Unni Maríu, ákaflega pró og góðar.
Kynnum nýja pizzutegund hjá okkur; Lambapizzu, hvað annað!
Verð kr. 1.690.- á manninn. Borðapantanir 463-1500.
Tónleikar Kórs Menntaskólans við Hamrahlíð
Kór Menntaskólans við Hamrahlíð heldur tónleika í Laugarborg föstudagskvöldið
8. apríl kl. 20.30. Efnisskráin er mjög fjölbreytt, kórinn flytur bæði þjóðlög frá ýmsum löndumog tónverk m.a. eftir Giovanni Gastoldi, J. S. Bach, Carl Orff, Jón Þórarinsson, Jón Nordal,Þorkel Sigurbjörnsson, Atla Heimi Sveinsson og Huga Guðmundsson. Kórinn syngur á 10 tungumálum.
Á þessari önn eru 85 nemendur í kórnum og meðal þeirra eru margir hljóðfæraleikarar. Stjórnandi kórsins er Þorgerður Ingólfsdóttir og fararstjórar í tónleikaferðinni um Norður- og Norðausturland eru Lárus H. Bjarnason rektor Menntaskólans við Hamrahlíð og Orri Páll Jóhannsson fulltrúi Reykjavíkurborgar í skólanefnd MH. Þetta er í fyrsta sinn sem Kór MH syngur í tónlistarhúsinu Laugarborg. Allir eru velkomnir og aðgangur er ókeypis.
Opinn fundur hjá O-listanum
O-listinn heldur opinn fund næsta mánudag, 11.apríl kl. 20.00 í Félagsborg. Málefni vetrarins rædd, kaffi á könnunni og allir velkomnir.
Húsnæði til leigu
Íbúðarhúsið Skólatröð 13 er laust til útleigu frá og með 1. júlí. Um er að ræða svokallaðan skólastjórabústað sem er 155m2 og bílskúr sem er 34,8 m2. Vakin er athygli á að hundahald er óheimilt í húsnæði sveitarfélagsins. Nánari upplýsingar veitir undirritaður. Skriflegum umsóknum skal skila á skrifstofu Eyjafjarðarsveitar í síðasta lagi 15. apríl n.k.
Stefán Árnason,skrifstofustjóri
Aðalsafnaðarfundur Hólaskóknar
Aðalsafnaðarfundur Hólasóknar verður haldinn að Villingadal (hjá Ingu) þriðjudaginn 12.apríl kl. 10.
Venjuleg aðalfundarstörf.
Sóknarnefndin
