Auglýsingablaðið
Skila þarf inn auglýsingum fyrir kl. 10:00 á þriðjudögum á esveit@esveit.is eða í síma 463-0600. Næsta blað kemur út miðvikudaginn 26.10.16
Sveitarstjórnarfundur
487. fundur sveitarstjórnar Eyjafjarðarsveitar verður haldinn í Félagsborg, Skólatröð 9, miðvikudaginn 26. október og hefst hann kl. 15:00.
Dagskrá fundarins verður kynnt á upplýsingatöflu í anddyri skrifstofunnar og á heimasíðu sveitarfélagsins.
Sveitarstjóri
Kjörfundur vegna alþingiskosninga 29. október 2016
Kjörstaður í Eyjafjarðarsveit verður í Hrafnagilsskóla. Kjörfundur hefst kl. 10:00 og lýkur kl. 22:00.
Þeir sem eiga erfitt með gang mega aka að inngangi skóla.
Á kjörstað gerir kjósandi grein fyrir sér með framvísun skilríkja eða á annan fullnægjandi hátt.
Á kjördegi hefur kjörstjórn aðsetur í Hrafnagilsskóla, sími 464-8100 eða 899-4935.
Kjörstjórnin í Eyjafjarðarsveit 15. október 2016; Emilía Baldursdóttir, Ólafur Vagnsson og Níels Helgason
Kjörskrá vegna alþingiskosninga 29. október 2016
Kjörskrá fyrir Eyjafjarðarsveit, vegna alþingiskosninga 29. október 2016, liggur frammi á skrifstofu Eyjafjarðarsveitar að Skólatröð 9 til kjördags, á venjulegum opnunartíma skrifstofunnar, sem er frá kl. 10:00-14:00. Einnig er bent á vefinn www.kosning.is en þar er á auðveldan hátt hægt að nálgast upplýsingar um hvort og hvar einstaklingar eru á kjörskrá.
Sveitarstjórn Eyjafjarðarsveitar 5. október 2016
Rúllubaggaplast
Bændur eru beðnir um að hreinsa jarðir sínar af lausu og/eða fjúkandi rúllubaggaplasti og festa lausa enda á rúllum. Rúllubaggaplast er sótt af Gámaþjónustunni fyrsta mánudag í mánuði, næst 7. nóvember og því gott að vera búin að hreinsa til hjá sér.
Skrifstofan
Frá Félagi aldraðra í Eyjafirði
Þriðjudaginn 25. október í Félagsborg, kl. 15:30 verður bókakynning:
Ingibjörg Bjarnadóttir frá Gnúpufelli segir frá ljóðunum sínum, sem komin eru í bók.
Allir velkomnir.
Stjórnin
Haust og jólatré í Reykhúsaskógi laugardaginn 22. október kl. 14:00–16:00
Við þökkum kærlega skemmtilegar heimsóknir í skóginn um síðustu helgi. Nálægt 30 manns skrifuðu í gestabókina og nokkrir völdu sér líka jólatré. Enn er spáð blíðu um næstu helgi. Við ætlum því að bjóða aftur í skóginn til að ganga um, skoða og njóta, þiggja kaffi og kleinur og þeir sem vilja geta valið sér jólatré sem þeir fá flutt heim á hlað eftir miðjan desember (í Eyjafjarðarsveit og Akureyri).
Gengið er upp slóðann norðan við Kristnesspítala en þeir sem kjósa það frekar og eru á fjórhjóladrifnum bílum geta ekið upp brekkuna og lagt þar á túninu.
Verið hjartanlega velkomin, Anna og Páll í Reykhúsum
Ágætu sveitungar
Undirritaður skipar 1. sæti á lista Dögunar, stjórnmálasamtaka um réttlæti, sanngirni og lýðræði, í komandi Alþingiskosningum. Ég vil af því tilefni bjóða ykkur velkomin í kaffi að Vallartröð 3, laugardaginn 22. október milli klukkan 14:00 og 17:00. Þar gefst ykkur tækifæri til að ræða þjóðmálin, gefa mér góð ráð ef þið viljið og fræðast nánar um helstu stefnumál Dögunar.
Bestu kveðjur, Sigurður Eiríksson
Kótilettukvöld
Laugardaginn 22. október kl. 19:00.
Dýrindis kótilettuhlaðborð og norðlenskt búðingahlaðborð í eftirrétt.
Verð kr. 4.600.-
Borðapantanir í síma 463-1500 og á netfanginu lambinn@lambinn.is
Lamb Inn Öngulsstöðum
Ágætu sveitungar
Senn líður að jólum og já það styttist óðfluga í Þorrablót 2017 sem verður haldið laugardagskvöldið 28. jan. Nú er mál að setja í súr, leggja í pækil, kynda reykkofana og kanna sykurbirgðirnar ;-)
Sjáumst hress og kát.
Ps. Ábendingum um gott skemmtiefni má senda á netfangið olinarut@gmail.com Nafnleynd lofað!
Hlutanefndin
Kæru sveitungar
Ýmsir atburðir hafa orðið í sveitinni okkar. Við birtum í Eyvindi nöfn þeirra sem fengu skírn, nöfn fermingarbarna, nöfn brúðhjóna og þeirra sem bornir voru til grafar á árinu. Ýmsir aðrir en sóknarprestur sjá um þessar athafnir en tilkynningar um þær koma ekki inná borð til mín. Vinsamlegast sendið mér upplýsingar um nöfn þeirra sem þið viljið að sé minnst, í síma 899-7737 eða með tölvupósti á hannes.blandon@kirkjan.is
Bestu kv. í sveitina,
Hannes
Sr. Sunna Dóra Möller leysir sr. Hannes Örn Blandon af í veikindaleyfi hans tímabundið til 1. nóvember. Hægt er að hafa samband við hana í síma 694-2805 eða á netfanginu sunnadora@akirkja.is
