Fréttayfirlit

Nú eru liðnir tveir mánuðir síðan ég tók við starfi sveitarstjóra og það gefur tilefni til að senda ykkur línu. Þessir tveir mánuðir hafa gengið vel, allir taka mér vel og vilja hjálpa mér við að komast inn í málefni sveitarinnar.

Nú standa yfir framkvæmdir á vegum Símans til að bæta GSM samband í Reykárhverfi. Settur er upp nýr sendir á heimavistarhús Hrafnagilsskóla og mun hann stórbæta GSM samband á svæðinu, sérstaklega mun sambandið batna innandyra í hverfinu.

Á undanförnum árum hefur skógarkerfill breiðst út með ógnar hraða í Eyjafjarðarsveit. Plantan er mjög harðgerð og öflug og virðist þola öll venjuleg illgresiseyðingarlyf. Á sumum jörðum vex plantan í stórum breiðum og sækir inn í tún svo að til vandræða horfir.

Víðavangssýningin Staðfugl-Farfugl hefur nú staðið í einn og hálfan mánuð og hefur gengið vonum framar. Mikill fjöldi fólks hefur lagt leið sína fram í fjörð til að skoða verkin og nýtt sér í leiðinni þá þjónustu sem er í boði á svæðinu. Í flestum tilvikum hafa verkin fengið að vera í friði en þó hafa tvö þeirra orðið fyrir barðinu á skemmdarvörgum.

Gaman er að minnast á nokkur afrek hjá Samherjakrökkunum í frjálsum íþróttum, en krakkarnir voru að koma sér í fremstu röð ekki bara á landinu heldur líka á Norðurlöndum.

Undirbúningur að Handverkshátíð 2008 stendur sem hæst. Von er á fjölbreyttu handverksfólki víðs vegar af landinu og einnig mun handverksfólk utan landsteinanna sækja okkur heim.
Enn er hægt að skrá sig á áhugaverð námskeið sem haldin eru í tengslum við hátíðina. Sjá nánar á heimasíðu hátíðarinnar www.handverkshatid.is

Tillaga að breytingu á aðalskipulagi.

Aðalskipulag