Fréttayfirlit

Við minnum á að á föstudag rennur út umsóknarfrestur um þátttöku á Handverkshátíðinni 2016. Veðrið hér á sýningarsvæðinu er með besta móti í dag og við höfum náð góðum samningum við veðurguðina um að fá bongóblíðu helgina 4. – 7. ágúst.

Íþróttamiðstöð Eyjafjarðarsveitar verður opin alla páskana sem hér segir: Skírdagur kl 10.00-20.00 Föstud langi kl 10.00-20.00 Laugardagur kl 10.00-20.00 Páskadagur kl 10.00-20.00 Annar í páskum kl 10.00-20.00 Gleðilega páska!

Eyjafjarðarsveit gerði nýlega samstarfssamning við Embætti landlæknis um þátttöku í verkefninu Heilsueflandi samfélag. Karl Frímannsson sveitarstjóri og Birgir Jakobsson landlæknir unirrituðu samninginn þann 15.mars síðastliðinn.

95. ársþing UMSE fór fram í Þelamerkurskóla 16. mars. Þingið var í umsjón Umf. Smárans. Mættir voru 33 af 44 mögulegum fulltrúum 13 aðildarfélaga og stjórnar. Þess ber að geta að öll aðildarfélög UMSE áttu fulltrúa á þinginu. Þingið var líflegt að venju og sköpuðust m.a. líflegar umræður um hlutverk og stefnu sambandsins.

Eyjafjarðarsveit óskar eftir að ráða aðstoðarskólastjóra fyrir Hrafnagilsskóla til eins árs. Ráðið verður frá frá 1. ágúst 2016 – 31. júlí 2017. Leitað er að einstaklingi sem er framsýnn í skólamálum, ótvíræður leiðtogi og fær í samskiptum.

Næsti fundur sveitarstjórnar Eyjafjaraðrsveitar verður haldinn miðvikudaginn 16.mars 2016 kl. 15.00. Fundurinn fer fram í fundarstofu 2, Skólatröð 9.

Arnar Árnason, bóndi á Hranastöðum í Eyjafirði, gefur kost á sér til formennsku í Landssambandi kúabænda. Kosið verður til formanns á aðalfundi samtakanna sem fer fram í Reykjavík dagana 31. mars og 1. apríl n.k. Arnar er 41 árs og hefur búið á Hranastöðum frá 2001. Hann er kvæntur Ástu Arnbjörgu Pétursdóttur og eiga þau þrjú börn.

Gönguleið og reiðleið frá Akureyri að Hrafnagilshverfi Sveitarstjórn Eyjafjarðarsveitar auglýsir hér með tillögu að breytingu á aðalskipulagi Eyjafjarðarsveitar 2005-2025 skv. 1. mgr. 36. gr. skipulagslaga nr. 123/2010. Breytingin felst í því að legu gönguleiðar GL-1 og reiðleiðar HL-1 (héraðsleið) sem liggja frá Akureyri að Hrafnagilshverfi er breytt á hluta leiðarinnar.

Á fundi sveitarstjórnar Eyjafjarðarsveitar 3.mars var samþykkt samhljóða að ráða Ólaf Rúnar Ólafsson sem sveitarstjóra Eyjafjarðarsveitar og tekur hann við af Karli Frímannssyni sem láta mun af störfum í vor að eigin ósk. Ólafur Rúnar er 40 ára hæstaréttarlögmaður og hefur undangenginn áratug verið svæðisstjóri Pacta lögmanna á Norðurlandi. Hann hefur í störfum sínum meðal annars sinnt lögmannsþjónustu fyrir fjölmörg sveitarfélög og tengda aðila, þar á meðal Eyjafjarðarsveit.

Tónleikar verða haldnir í Laugarborg næstkomandi laugardag, 5. mars kl. 15. Helga Bryndís Magnúsdóttir leikur á píanó. Hún leikur verk eftir tónskáldin S. Couperin, F. Liszt, G. Faure, X. Montsalvatge og F. Chopin. Aðgangur ókeypis. Tónvinafélag Laugarborgar