Fréttayfirlit

Næstu tvö auglýsingablöð verða miðvikudaginn 2. maí og þriðjudaginn 8. maí. Auglýsingar þurfa því að berast fyrir kl. 10:00 sem hér segir: Mánudaginn 30. apríl fyrir blaðið sem dreift verður 2. maí. Mánudaginn 7. maí fyrir blaðið sem dreift verður 8. maí. Vinsamlega sendið auglýsingar á esveit@esveit.is.

Uppfært 24.4.18: Námskeiðunum hefur verið frestað!

Kjörstjórn Eyjafjarðarsveitar tekur við framboðslistum vegna komandi sveitarstjórnarkosninga á skrifstofu sveitarfélagsins að Skólatröð 9 efri hæð laugardaginn 5. maí 2018 milli kl. 10:00 og 12:00. Um fjölda frambjóðenda, meðmælenda og önnur formsatriði við framlagningu lista vísast til laga um kosningu sveitarstjórna, sjá kosning.is.

Eyfirski safnadagurinn er haldin hátíðlegur ár hvert á sumardaginn fyrsta sem í ár er 19. apríl. Þemað í ár er "Börn og íslenski fáninn". Öll söfnin gera eitthvað í tengslum við þemað. Opið er milli 13:00-17:00. Frítt er inn á söfnin sem taka þátt.

Íslandsmót unglinga í borðtennis var haldið síðastliðna helgi í Íþróttamiðstöð Eyjafjarðarsveitar. Keppendur voru rúmlega 80 og gisti um helmingur þeirra í Hrafngilsskóla. Umf. Samherjar voru með 14 keppendur á mótinu. Mótið gekk vel og var mikil ánægja með umgjörð og utanumhald þess.

Dagur byggingariðnaðarins var haldinn í Hofi sl. laugardag. Þar var embætti skipulags- og byggingarfulltrúa Eyjafjarðar með kynningarbás. Aðilar frá sveitarfélögunum fjórum sem að baki því standa, Eyjafjarðarsveit, Grýtubakkahreppi, Svalbarðsstrandarhreppi og Hörgársveit, kynntu sveitarfélögin, skipulagsmál o.fl. málefninu tengt.

514. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 12. apríl 2018 og hefst kl. 15:00