Framkvæmdaráð 86. fundur 3.9.19

86. fundur Framkvæmdaráðs
haldinn í fundarstofu 2, Skólatröð 9, 3. september 2019 og hófst hann kl. 09:00.

Fundinn sátu:
Jón Stefánsson, Hermann Ingi Gunnarsson, Ásta Arnbjörg Pétursdóttir, Elmar Sigurgeirsson og Finnur Yngvi Kristinsson.
Fundargerð ritaði: Jón Stefánsson Oddviti.

Dagskrá:

1. Húsnæðismál grunn- og leikskóla - 1901017

Gestir
Hrund Hlöðversdóttir - 09:00
Björk Sigurðardóttir - 09:00
Hrund Hlöðversdóttir og Björk Sigurðardóttir komu á fund yfir þessum lið.
Rætt um möguleika í byggingu leikskóla og á nýjum skólastofum við Hrafnagilsskóla og hvaða möguleikar eru til að samnýta rými og lóð. Lagt í hendur á sveitarstjóra og skólastjóra að skipuleggja vettvangsferðir fyrir hópinn til að skoða mismunandi skólabyggingar og starfsemi skóla og leikskóla.

2. Fundardagskrá framkvæmdaráðs - 1908023
Ákveðið að framkvæmdaráð fundi almennt á þriðjudegi klukkan 9:00, viku áður en sveitarstjórn fundar.

3. Staða framkvæmda 2019 - 1906027
Brýnt er að fara í þakið á Skólatröð 7-11 og laga dúk á nokkrum stöðum, frekari framkvæmdum við þakið vísað til fjárhagsáætlunar. Mögulegar framkvæmdir við salerni hjá mötuneyti skoðaðar.

4. Götulýsing í Eyjafjarðarsveit - 1905006
Ósk RARIK um að afhenda sveitarfélaginu götulýsinguna kynnt.

Fleira ekki gert. Fundi slitið kl. 10:45