Fréttayfirlit

Veðurstofan er að vinna að hættumati á Eyjafjarðará. Hluti af því verkefni er að safna öllum tiltækum upplýsingum um söguleg flóð í Eyjafjarðará og þverám hennar. Veðurstofan telur afar mikilvægt að yfirstandandi gagnasöfnun byggist eins og kostur er á upplýsingum sem aflað var á vettvangi og af því fólki sem kunnugt er staðháttum.

Eyjafjarðarsveit býður unglingum fæddum 2000, 2001 og 2002 vinnu við umhverfisverkefni á komandi sumri. Starfið hefst 7. júní. Umsækjendur þurfa að skila inn umsóknum fyrir 30. maí á skrifstofu Eyjafjarðarsveitar eða á netfangið esveit@esveit.is. Í umsókninni þarf að koma fram nafn og kennitala umsækjanda, nafn forráðamanns og sími.

Ársreikningur Eyjafjarðarsveitar fyrir árið 2015 var afgreiddur á fundi sveitarstjórnar 18. maí 2016. Rekstur Eyjafjarðarsveitar gekk vel á árinu 2015.

Ágætu íbúar Eyjafjarðarsveitar. Oft er spurt hvað sé að frétta úr sveitarstjórn, hvað sé verið að fást við. Sú hugmynd kviknaði því að skrifa smá pistil og senda út um nokkur þau verkefni sem eru á döfinni. Ef þetta mælist vel fyrir verður þetta vonandi endurtekið tvisvar á ári, að oddviti og sveitarstjóri taki saman helstu tíðindi.

Nú er að hefjast vinna við borun hitaveituholu á Hrafnagili/Botni en framkvæmdin er liður í því að styrkja heitavatnsöflun á svæðinu og auka þannig afhendingaröryggi. Upphaflega var áætlað að hreinsa og dýpka þær holur sem fyrir eru á svæðinu en í ljósi kostnaðar og áhættu var tekin ákvörðun um að bora nýja holu sem staðsett verður á sama plani og núverandi holur. Nýja holan mun fá nafnið HN-13 og verða um 1800 m djúp en það er jarðborinn Nasi frá Ræktunarsambandi Flóa og Skeiða sem borar holuna.

Eyjafjarðarsveit óskar eftir að ráða aðstoðarleikskólastjóra fyrir leikskólann Krummakot. Um er að ræða 100% stöðu frá 8. ágúst 2016. Leitað er að einstaklingi sem er framsýnn í skólamálum og býr yfir góðri leiðtoga- og samskiptahæfni.

Um er að ræða 50% starf frá 1. júní - 8. júlí. Vinnutími er á dagvinnutíma, frá kl. 9:00 - 13:00 eða 10:00 – 14:00 eftir samkomulagi. Óskað er eftir jákvæðum, traustum og vandvirkum einstaklingi sem á auðvelt með samskipti og sveigjanleika í starfi.

Óskum eftir að ráða grunnskólakennara að Hrafnagilsskóla í Eyjafjarðarsveit. Ráðningin er tímabundin í eitt ár. Um er að ræða 100% kennarastöðu á unglingastigi og ráðið er frá 1. ágúst 2016. Hrafnagilsskóli er grunnskóli í dreifbýli u.þ.b. 12 km. fyrir innan Akureyri og eru u.þ.b. 150 nemendur í skólanum. Uppeldisstefna Hrafnagilsskóla er Jákvæður agi og lögð er áhersla á teymisvinnu.

Í samræmi við 4. mgr. 40. gr. skipulagslaga nr. 123/2010, boðar sveitarstjóri til almenns kynningarfundar um tillögu að deiliskipulagi efnisnámu í landi Hvamms, Eyjafjarðarsveit. Kynningarfundurinn verður haldinn í fundarherbergi á skrifstofu Eyjafjarðarsveitar, Skólatröð 9, 2. hæð þriðjudaginn 17. maí kl. 16:10 -17:00. Á fundinum mun fulltrúi frá Teiknistofu Arkitekta sem unnið hefur deiliskipulagstillöguna kynna hana og svara spurningum.

Stjórn UMSE auglýsir eftir umsóknum um ferðastyrki til íþróttafólks innan UMSE. Styrkjunum er úthlutað eftir vinnureglum sem stjórn UMSE setur og miðast upphæð styrkjanna við samþykkta fjárhagsáætlun hverju sinni. Umsóknarfrestur er til 31. maí og 30. septmeber.