Fréttayfirlit

Á Facebooksíðu Handverkshátíðarinnar er kominn í gang Póstkassaleikur þar sem hægt er að greiða atkvæði um best prýdda póstkassa Eyjafjarðarsveitar.

Í Auglýsingablaði vikunnar birti stjórn Handverkshátíðar og Landbúnaðarsýningar 2012 eftirfarandi þakkir og upplýsingar til íbúa Eyjafjarðarsveitar.

Vakin er athygli á því að öll efnistaka er framkvæmdaleyfisskyld, en eiganda eða umráðamanni eignarlands er þó heimil minni háttar efnistaka til eigin nota nema um sé að ræða jarðmyndanir og vistkerfi sem njóta sérstakrar verndar skv. 37. gr. laga um náttúruvernd nr. 44/1999.

Ákveðið hefur verið að 1. göngur verði 1. og 2. sept. frá Fiskilæk að Möðruvallafjalli, en 8. og 9. sept. annars staðar í sveitarfélaginu.

Hugrún Sigmundsdóttir hefur verið ráðin í stöðu aðstoðarskólastjóra leikskóladeildar Hrafnagilsskóla. Hún er fráfarandi leikskólastjóri leikskólans Pálmholts á Akureyri.

Í sveitum landsins er fjöldi eyðibýla og yfirgefinna íbúðarhúsa sem mörg hver eru vel byggð og geyma merka sögu. Markmið verkefnisins Eyðibýli á Íslandi er að rannsaka og skrá umfang og menningarlegt vægi eyðibýla og annarra yfirgefinna íbúðarhúsa í sveitum landsins. Jafnframt að stuðla að björgun áhugaverðra og byggingarsögulega mikilvægra húsa, m.a. með endurgerð og nýtingu í ferðaþjónustu.

Íslenski safnadagurinn verður m.a. haldinn hátíðlegur í Laufási. Sérstök dagskrá verður milli kl. 13:30-16:00. Aðgangur ókeypis.

Í tengslum við Handverkshátíð eru árlega haldin námskeið og svo verður einnig í ár. Upplýsingar um námskeið ársins eru farin að tínast inn á heimasíðu Handverkshátíðar www.handverkshatid.is

Kjörstaður í Eyjafjarðarsveit vegna forsetakosninganna 30. júní 2012 verður í Hrafnagilsskóla. Kjörfundur hefst kl. 10:00 og lýkur kl. 20:00. Kjörskrá fyrir Eyjafjarðarsveit liggur frammi á skrifstofu Eyjafjarðarsveitar að Skólatröð 9, frá og með 20. júní 2012 til kjördags.

Sýningarstjórn Handverkshátíðar og Landbúnaðarsýningar við Hrafnagilsskóla hafa hvatt íbúa Eyjafjarðarsveitar til að skreyta póstkassa sína með handverki í sumar. Meðfylgjandi auglýsing birtist í Auglýsingablaði vikunnar.