Fréttayfirlit

Fundarboð 494. fundur sveitarstjórnar Eyjafjarðarsveitar

FUNDARBOÐ 494. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 22. mars 2017 og hefst kl. 15:00
17.03.2017

Hvernig er að vera barn í Eyjafjarðarsveit?

Hagsmunafélög barnanna bjóða ykkur til kaffisamsætis í Laugarborg, þriðjudaginn 14. mars 2017 kl. 20:00. Fáum okkur tíu dropa, gæðum okkur á kökum og kruðiríi og spjöllum um börnin okkar. Ræðum um nærumhverfið, skólana, tómstundir, uppeldi og heilsu barnanna og annað sem brennur á ykkur. Hvað má gera meira/minna af? Hvernig sveitasamfélag viljum við skapa? Allir velkomnir sem vilja láta sig málið varða. Foreldrafélag Hrafnagilsskóla, Foreldrafélag Krummakots og Ungmennafélagið Samherjar
09.03.2017

Framlengdur umsóknarfrestur: Leikskólinn Krummakot í Eyjafjarðarsveit vill ráða starfsfólk - framtíðarstarf

Um er að ræða tvær 100% stöður leikskólakennara/leiðbeinanda Leikskólakennari, leikskólaliði eða starfsmaður með aðra menntun sem nýtist í starfi og/eða reynslu af vinnu með ungum börnum óskast til starf í leikskólann Krummakot. Frekari upplýsingar veitir Hugrún Sigmundsdóttir leikskólastjóri í síma 464-8120, netfang hugruns@krummi.is. Umsóknarfrestur er til og með 17. mars 2017. Æskilegt er að starfsmaður geti hafið störf sem fyrst.
03.03.2017

Opið fyrir umsóknir á Handverkshátíð 2017

Nú er hægt að sækja um þátttöku á Handverkshátíð 2017. Handverkshátíðin fer fram dagana 10.-13. ágúst.
21.02.2017

Leikskólinn Krummakot óskar eftir leikskólakennurum til starfa

Um er að ræða 100% stöðu vegna leyfis og aðra 100% stöðu vegna fæðingarorlofs. Leikskólinn er staðsettur í Hrafnagilshverfinu, aðeins tíu kílómetra sunnan Akureyrar, í umhverfi sem hefur upp á einstaka möguleika að bjóða til útivistar og hreyfingar. Deildir eru þrjár og nemendur rúmlega 60 á aldrinum eins til sex ára. Unnið er í samræmi við uppeldisstefnu Jákvæðs aga og markvisst unnið með málrækt og læsi, dygðir, umhverfisstarf, hreyfingu og tónlist.
21.02.2017

Kolefnisjöfnun

Sveitarstjórn Eyjafjarðarsveitar samþykkti á fundi sínum sl. miðvikudag, 8. febrúar að skoða möguleika á kolefnisjöfnun og upptöku kolefnisbókhalds fyrir Eyjafjarðarsveit.
13.02.2017

Korn- Fréttabréf frá sveitarstjórn

Hér má finna Kornið- Fréttabréf frá sveitarstjórn sem dreift var í Eyjafjarðarsveit föstudaginn 10. febrúar. Þar er að finna upplýsingar um ýmislegt sem er á döfinni hjá sveitarfélaginu.
13.02.2017

Fundarboð 492. fundar sveitarstjórnar Eyjafjarðarsveitar

492. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, 8. febrúar 2017 og hefst kl. 15:00
06.02.2017

Sýning í Laugarborg: Refilsaumuð saga landnema

Einstök sýning á yfir 300 refilsaumuðum veggmyndum verður opnuð í Tónlistarhúsinu Laugarborg í Eyjafjarðarsveit laugardaginn 4. febrúar kl. 14:00. SCOTTISH DIASPORA TAPESTRY segir sögu Skota sem hafa flust til annarra landa í gegnum aldirnar og afrekum þeirra. Veggmyndirnar eru saumaðar af afkomendum skoskra innflytjenda í 33 löndum og hefur sýningin verið á ferð á milli þeirra sl. tvö ár. Við hana munu nú bætast fimm myndir frá Íslandi sem segja sögu systranna Þórunnar hyrnu og Auðar djúpúðgu Ketilsdætra sem komu hingað til lands með fjölskyldur sínar frá Skotlandi á níundu öld. Sýningin stendur yfir alla daga frá 4. - 26. febrúar frá kl. 14:00 til 18:00.
30.01.2017

Landhelgisgæslan og sérsveit lögreglunnar við æfingar við Hrafnagil

Nú í þessum skrifuðu orðum er Landhelgisgæslan og Sérsveit lögreglunnar við æfingar við Hrafnagil. Þyrlan lenti við Skólatröð og náðist mynd af hópnum.
25.01.2017