Fréttayfirlit

Sundlaug lokuð 6. og 7. sept vegna viðhalds

Vegna viðhalds verður sundlaugin lokuð þessa daga: Mánudaginn 6. sept verður opið kl. 6:30-8:00 og svo lokað eftir það. Þriðjudaginn 7. sept verður lokað allan daginn. Opnum svo aftur á miðvikudeginum eins og vanalega.
31.08.2021
Fréttir

Kvöldhelgistund í Grundarkirkju 5. september kl. 20:00

Frá og með 1. september leysir sr. Guðmundur Guðmundsson af sr. Jóhönnu Gísladóttur sem verður í fæðingarorlofi næstu 6 mánuði. Netfang hans er gudmundur.gudmundsson@kirkjan.is og sími hans er 897 3302. Eydís Ösp Eyþórsdóttir mun annast barnastarf og fermingarfræðslu. Fyrsta guðsþjónusta á misserinu í Eyjafjarðarsveit verður 5. september í Grundarkirkju kl. 20. Það verður helgistund með léttum söngvum við undirleik Þorvaldar Arnar Davíðssonar organista. Foreldrar og fermingarbörn eru sérstaklega boðuð og verður stuttur fundur eftir helgistundina með sr. Guðmundi og Eydísi varðandi fermingarstörfin í vetur. Nánari upplýsingar á facebook/Kirkjan í Eyjafjarðarsveit.
30.08.2021
Fréttir

Bókasafn Eyjafjarðarsveitar

Bókasafnið opnar að nýju eftir sumarleyfi 1. september. Athugið breytta opnunartíma. Safnið er lokað á mánudögum en annars opnar það klukkan 14.00. Þriðjudaga er opið frá 14.00-17.00 Miðvikudaga er opið frá 14.00-17.00 Fimmtudaga er opið frá 14.00-18.00 Föstudaga er opið frá 14.00-16.00 Gott úrval af alls konar bókum og tímaritum, sjón er sögu ríkari. Safnið er staðsett í kjallara íþróttahúss. Best er að aka niður með skólanum að norðan og ganga inn um austurinngang eða nota sundlaugarinnganga og ganga þaðan niður í kjallara. Hlakka til að sjá gamla og nýja notendur. Bókavörður  
30.08.2021
Fréttir

Leyfðu okkur að sjá um matseldina í hádeginu

Við ætlum að byrja með þá nýjung að opna eldhúsið á Kaffi kú í hádeginu, frá klukkan 12:00 alla virka daga þar sem boðið er uppá hefðbundinn heimilismat. Einnig er hægt að panta og fá matinn í brottnámsbakka. Við þurfum þó smá fyrirvara ef ætlunin er að kíkja í mat. Æskilegt er að panta eða láta vita af komu sinni fyrir klukkan 10:00 í síma 779-3826 Réttur dagsins kostar 1.950 kr. og kaffi innifalið. Matseðill vikunnar 30/8 - 3/9 Mánudagur: Fiskur í raspi, nýjar kartöflur og lauksmjör Þriðjudagur: Lambagúllas, kartöflumús, grænar baunir og rauðkál Miðvikudagur: Gratíneraður plokkfiskur, rúgbrauð og smjör Fimmtudagur: Smjörsteikt Kjúklingabringa með ofnsteiktum kartöflum, grænmeti og rauðvínssósu Föstudagur: Bernaisborgari með sveppum, lauk og frönskum. Matseðil vikunnar má einnig finna á facebook síðu Kaffi kú.
27.08.2021
Fréttir

Vetraropnun í sundlaug hefst laugardaginn 28. ágúst

Vetraropnun í sundlaug hefst laugardaginn 28. ágúst og er eftirfarandi: Mánudaga - fimmtudaga kl. 6:30-8:00 og 14:00-22:00. Föstudaga kl. 6:30-8:00 og 14:00-19:00. Laugardaga og sunnudaga kl. 10:00-19:00. Verið velkomin í sund.  
27.08.2021
Fréttir

Gangnaseðlar 2021

Gangnaseðlar 2021 liggja nú fyrir en þeir sem óska eftir að fá gangnaseðlana senda á pappír geta haft samband við skrifstofu sveitarfélagsins í síma 463-0600. Seðlarnir verða ekki sendir á pappír nema til þeirra sem óska eftir því.
23.08.2021
Fréttir

Norðanátt kynnir Vaxtarrými fyrir frumkvöðla, ný fyrirtæki og nýsköpun innan rótgróinna fyrirtækja á Norðurlandi

Opnað hefur verið fyrir skráningar í viðskiptahraðalinn Vaxtarrými. Um er að ræða átta vikna viðskiptahraðall með áherslu á sjálfbærni með mat, vatn og orku að leiðarljósi þar sem þátttakendur fá tækifæri til að efla sig og sín fyrirtæki og vaxa með vindinn í bakið. Verkefnið er byggt upp að fyrirmynd viðskiptahraðla en þó sérhannað með þarfir þátttöku fyrirtækjanna í huga og hafa þau þannig áhrif á þá fræðslu sem stendur þeim til boða. Teymin hitta reynslumikla leiðbeinendur, frumkvöðla, fjárfesta og stjórnendur fyrirtækja á Norðurlandi og víðar á ráðgjafafundum, sitja vinnustofur og fræðslufundi og mynda sterkt tengslanet sín á milli. Vaxtarrými hefst 4. október og lýkur 26. nóvember og fer fram á netinu. Jafnframt hittast teymin fjórum sinnum meðan á verkefninu stendur á vinnustofum á völdum stöðum á Norðurlandi. Leitast er eftir þátttakendum, þ.e. frumkvöðlum, nýjum fyrirtækjum og nýsköpunarverkefnum innan rótgróinna fyrirtækja á Norðurlandi sem eru komin af hugmyndastigi og vilja nýta Vaxtarrými Norðanáttarinnar til að vaxa. Smellið hér til að opna umsóknarformið. Umsóknarfrestur er til og með 20. september. Í framhaldinu verða valin sex til átta teymi til þátttöku. Samstarfsverkefnið Norðanátt er hreyfiafl sem miðar að því að skapa kraftmikið umhverfi á Norðurlandi fyrir frumkvöðla og fyrirtæki. Að verkefninu Norðanátt koma Eimur, SSNV, SSNE, Nýsköpun í norðri og RATA. Hópurinn vinnur í anda nýrrar klasastefnu, þvert á stofnanir samfélagsins og hraðar framþróun og nýsköpun. Nánari upplýsingar veitir Silja Jóhannesdóttir, verkefnastjóri hjá SSNE, silja@ssne.is
19.08.2021
Fréttir

Sundnámskeið fyrir tilvonandi fyrstu bekkinga

UMF Samherjar ætla að bjóða tilvonandi fyrstu bekkingum í Hrafnagilsskóla upp á sundnámskeið í vikunni 16. – 20. ágúst n.k. Um er að ræða börn sem fædd eru 2015. Námskeiðið verður í fimm skipti, frá mánudegi til föstudags. Lagt er upp með tvo hópa, sá fyrri kl. 14-15 og seinni kl. 15-16. Venjulega eru börnin ofan í lauginni í um 35 mínútur. Kennari verður Kolfinna Ólafsdóttir sem hefur reynslu í umsjón með námskeiðum af þessu tagi. Skráningargjald er kr. 5.000.- og verða sendar út kröfur í netbanka. Skráningu skal senda á netfangið samherjar@samherjar.is með upplýsingum um nafn og kennitölu barns og kennitölu greiðanda. Við lítum á þetta sem gott tækifæri fyrir nýja grunnskólanemendur að koma og þjálfa sig í umgengni í búningsherbergjum og sundlauginni sjálfri áður en skólastarfið hefst. Stjórn UMF Samherja.
12.08.2021
Fréttir

Fundarboð 569. fundar sveitarstjórnar Eyjafjarðarsveitar

Boðað er til 569. fundar sveitarstjórnar Eyjafjarðarsveitar haldinn fimmtudaginn 12. ágúst klukkan 8:00 í fundarsal 2.
11.08.2021
Fréttir

Lumar þú á hnitsettri gönguleið í sveitarfélaginu?

Sveitarfélagið leitar til staðkunnugra göngugarpa á svæðinu eftir hnitsettum gönguleiðum til að sameina á kortagrunn sveitarfélagsins. Eyjafjarðarsveit fékk á dögunum styrk frá Framkvæmdasjóði ferðamannastaða til að vinna betur með þær fjölmörgu gönguleiðir sem merktar eru á aðalskipulag sveitarfélagsins og spanna vel yfir 200 kílómetra samtals.
11.08.2021
Fréttir