Fréttayfirlit

Eyjafjarðarsveit óskar eftir að ráða starfsmanni í 100% stöðu forstöðumanns Íþróttamiðstöðvar. Við leitum eftir öflugum einstakling sem hefur brennandi áhuga á starfseminni, er með góða stjórnunarhæfileika, framúrskarandi samskiptahæfileika, ríka þjónustulund og hefur mikinn áhuga á að vinna með fólki.

Ráðstefnan „Stefnum á Norðurland“ verður haldin fimmtudaginn 24. nóvember í Hofi á Akureyri, frá 13-15:30. Á ráðstefnunni verða kynntar niðurstöður greiningar KPMG á þörf fyrir gistirými á Norðurlandi á næstu árum, sérstaklega með tilliti til aukinna umsvifa flugfélaga um Akureyrarflugvöll. Auk þess verða haldin erindi um fjárfestingu og uppbyggingu í ferðaþjónustu á Norðurlandi og markaðssetningu áfangastaðarins gagnvart erlendum flugfélögum. Nokkur norðlensk ferðaþjónustufyrirtæki munu segja frá sínum fjárfestingum og verkefnum sem eru í bígerð.

Ölduhverfi í landi Kropps, Eyjafjarðarsveit – kynning aðal- og deiliskipulagstillögu á vinnslustigi Opinn kynningarfundur vegna verkefnisins fer fram í matsal Hrafnagilsskóla, Skólatröð 9 Hrafnagilshverfi, kl. 20:00 fimmtudaginn 17. nóvember 2022. Þar munu fulltrúar sveitarstjórnar og aðstandenda verkefnisins kynna skipulagstillögurnar og svara fyrirspurnum um málið frá fundargestum. Skipulagsfulltrúi.

Frestur til að sækja um styrk er til og með 15. desember 2022. Nánari upplýsingar um styrkina er að finna á heimasíðu Eyjafjarðarsveitar > Umsóknir > listi yfir umsóknir er hægra megin á síðunni. Íþrótta- og tómstundastyrkur barna 2022 Lýðheilsustyrkur eldri borgara Styrkveitingar vegna keppnis- og æfingaferða

Sveitarstjórn Eyjafjarðarsveitar - 598 FUNDARBOÐ 598. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 10. nóvember 2022 og hefst kl. 08:00.

Þann 11.nóvember næstkomandi tekur í gildi nýtt deiliskipulag fyrir Hrafnagilshverfi. Skipulagið hefur verið í undirbúningi og vinnslu í langan tíma og hófst vinna við það formlega hjá skipulagsnefnd Eyjafjarðarsveitar þann 11.nóvember 2019.

Sveitarstjórn Eyjafjarðarsveitar samþykkti á fundi sínum 8. september 2022 að kynna drög að aðal- og deiliskipulagstillögu fyrir Ölduhverfi í landi Kropps fyrir íbúum sveitarfélagsins og öðrum hagsmunaaðilum.

Eyjafjarðarsveit auglýsir lausar lóðir til úthlutunar í Hrafnagilshverfi með fyrirvara um samþykki deiliskipulags sem fer í auglýsingu þann 11.nóvember næstkomandi. Áhugasamir geta sótt um lóðir til og með 14.nóvember 2022.

Eins og í fyrra, ætlum við að taka þátt í landsátakinu í sundi. Þá skrá allir hvað þeir synda og í fyrra syntu landsmenn 11,6 hringi í kringum landið. Markmiðið með átakinu er að hvetja almenning til þess að hreyfa sig oftar og meira í sínu daglega lífi og nota meðal annars sund til þess. Á síðunni www.syndum.is er hægt að fylgjast með hvernig gengur í átakinu. Þar er einnig hægt að búa til aðgang til þess að skrá hversu mikið er synt. Fyrir þá sem kjósa það heldur, þá verðum við með skráningarblað í afgreiðslunni þar sem fólk getur skráð vegalengdirnar. Við sendum svo þær skráningar inn vikulega. Þeir sem skrá sig og taka þátt geta átt von á að verða dregnir út og vinna veglega vinninga. Verum dugleg að synda og vonandi taka sem flestir þátt

Sveitarstjórn Eyjafjarðarsveitar - 597 FUNDARBOÐ 597. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 3. nóvember 2022 og hefst kl. 08:00.