Fréttayfirlit

Athugið að þetta á við íbúa Hrafnagilshverfis en allir sem vilja geta hins vegar valið að fá sendingar í póstboxið. Nú er lokið við uppsetningu á póstboxi við Skólatröð 11 og verður það tekið í notkun frá og með 18. nóvember. Íslandspóstur hefur nú dreift eyðublaði í alla póstkassa í hverfinu og gengið í hús í Bakkatröðinni til að dreifa því. Fylla þarf út þetta eyðublað sem fyrst og setja í póstkassa sem er við póstboxið í Skólatröð 11, til að hægt sé að koma pósti til skila til einstaklinga og fyrirtækja í Hrafnagilshverfi.

Vegna vinnu við dreifikerfi verður lokað fyrir heitt vatn í Hrafnagilshverfi þriðjuudaginn 5. nóvember. Áætlaður tími er frá kl. 9:00 og fram eftir degi, eða meðan vinna stendur yfir.

Sveitarstjórn Eyjafjarðarsveitar samþykkti á fundi sínum 5. september 2024 að breyttri legu RH7 í Aðalskipulagi Eyjafjarðarsveitar 2018-2030 verði vísað í breytingarferli skv. 2. mgr. 36. gr. skipulagslaga nr. 123/2010.

Við minnum á flösku- og dósagáminn okkar sem er á gámasvæðinu norðan við Bakkatröð. Allar endurgjaldsskyldar umbúðir eru velkomnar í hann og ágóðinn rennur beint í ferðasjóðinn okkar. Þakkir og kveðjur, nemendur í 10. bekk Hrafnagilsskóla.

Vegna vinnu við dreifikerfi verður lokað fyrir heitt vatn í Hrafnagilshverfi miðvikudaginn 30. október. Áætlaður tími er frá kl. 10:00 og fram eftir degi, eða meðan vinna stendur yfir. Góð ráð við hitaveiturofi má finna inná heimasíðu Norðurorku á www.no.is

FUNDARBOÐ 642. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, fimmtudaginn 31. október 2024 og hefst kl. 08:00.

Við ætlum að endurtaka leikinn frá því í fyrra og bjóða eldri borgurum í sveitarfélögunum á Eyjafjarðarsvæðinu til okkar, sér að kostnaðarlausu. Hægt að sjá dagsetningar hér að neðan. Hlökkum til að taka á móti sem flestum :-)

Skipulags- og byggingarfulltrúi Eyjafjarðar auglýsir eftir aðila í afleysingu til eins árs í 50 % stöðu starfsmanns á skrifstofu. Skipulags- og byggingarfulltrúi Eyjafjarðar er byggðasamlag sem annast skipulags- og byggingarmál í Grýtubakkahreppi, Svalbarðsstrandarhreppi, Eyjafjarðarsveit og Hörgársveit og mun nýr starfsmaður annast verkefni á skrifstofu byggðasamlagsins. Starfið felst í móttöku erinda og símavörslu og fer fram á skrifstofu embættisins, Skólatröð 9 í Hrafnagilshverfi.

Rafmagnslaust verður í Hlébergi, Sunnutröð, Hjallatröð, Laugatröð, Skógartröð, Vallatröð, Brekkutröð og Skólatröð þann 24.10.2024 frá kl 15:00 til kl 16:00 vegna vinnu við dreifikerfið. Mögulega kemur rafmagn á í stuttan tíma undir lok straumleysis vegna prófunar Nánari upplýsingar veitir stjórnstöð í síma 5289000. Kort af svæðinu má sjá á www.rarik.is/rof

Eyjafjarðarsveit óskar eftir tilboðum í uppbyggingu á 2. hæð Hrafnagilsskóla. Um er að ræða uppsetningu burðarvirkis úr CLT einingum, frágangi að utan og fullnaðarfrágangi að innan auk frágangs við núverandi skólabyggingu Hrafnagilsskóla. Grunn flatarmál þessarar viðbyggingar við skólann er um 900 m2 og mun hýsa ný rými fyrir skóla- og íþróttamiðstöð sveitarfélagsins.