Fréttayfirlit

Hrafnagilsskóli í Eyjafjarðarsveit hefur um árabil vakið athygli fyrir framsækni og farsælt skólastarf. Sýn skólans er sú að allir hafa hið góða í sér og möguleikann til að verða betri manneskjur. Þessi einkunnarorð endurspeglast í væntingum starfsfólks til nemenda. Virðing þeirra fyrir nemendum kemur fram í því hvernig þeir ræða við þá og hlusta á sjónarmið þeirra. Skólaheit nemenda er: „Ég kem í skólann til að læra og nýta hæfileika mína til fulls.“

Miðvikudaginn 30.maí síðastliðinn voru Íslensku menntaverðlaunin afhent við hátíðlega athöfn í Ingunnarskóla í Reykjavík. Hrafnagilsskóli veitti verðlaununum viðtöku fyrir framúrskarandi skólastarf. Stjórnendur skólans, kennarar, nemendur og starfsfólk fóru saman til Reykjavíkur ásamt helstu forsvarsmönnum sveitarinnar af þessu tilefni. Hérna má skoða skjal sem sýnir forsendur verðlaunanna. Hérna má skoða ljósmyndir frá afhendingunni. Hérna má skoða upptöku frá þættinum Kastljósi sem sýndi frá afhendingunni.

Sumardagskrá Ungmennafélagsins Samherjar hefst næsta miðvikudag 30.maí klukkan 19. Æfingar fara fram austan við Hrafnagilsskóla.

Æfingatímar verða sem hér segir :

Mánudaga 19:00-21:00

Miðvikudaga 19:00-21:00

Fimmtudaga 18:00-20:00

Þjálfari í fótbolta : Guðmundur Ævar Oddsson s. 862-4515
Þjálfari í frjálsum : Ari Jósavinsson s. 892-0777

Heimasíða fyrir frjálsu : http://blog.central.is/jonasari
Heimasíða fyrir fótboltann : http://blog.central.is/samfot

Svo er bara að mæta á miðvikudagskvöldið og skrá sig. Hraust börn í Eyjafjarðarsveit :)

Stjórn Samherja

Fréttatilkynning
Tónlistarhúsið Laugarborg er nú í fyrsta sinn vetvangur tónlistarviðburða á dagskrá Listahátíðar. Að þessu sinni býður Laugarborg uppá þrenna tónleika í samvinnu við Listahátíð.

Dagana 10. - 12. ágúst 2007 verður okkar árlega Handverkshátíð haldin. Fáir viðburður eiga sér jafnlangan feril.

Í fyrra tók sýningin sem þá fékk nafnið “Uppskera og handverk 2006” heilmiklum breytingum og vakti það athygli. Hún varð að skemmtilegri blöndu handverks- og fjölskylduhátíðar þar sem allir fundu eitthvað við sitt hæfi. Sýningarsvæðið tvöfaldaðist og var breytingum vel tekið af sýnendum sem og gestum hátíðarinnar. Dæmi voru um að gestir komu alla daga hátíðarinnar þar sem eitthvað nýtt var að gerast dag hvern. Mjög gott samstarf var haft við Fiskidaginn mikla sem er einmitt haldinn sömu helgi ár hvert. Nú verður gengið skrefinu lengra og ýmsar nýjungar þróaðar enn frekar. Mikilvægt er að byggja upp sölusýningu á listmunum á landsbyggðinni, skapa gott orðspor bæði hátíðar og sveitar, og höfða til allra þeirra innlendu og erlendu ferðamanna sem eru á faraldsfæti þessa helgi á Norðurlandi.

Myndir frá hátíðinni 2006  

Öll söfn á Eyjafjarðarsvæðinu ætla að hafa safnadag 5. maí. Tilefnið er opnun nýrrar sameiginlegrar heimasíðu fyrir söfnin, en slóðin er www.museums.is
Smámunasafn Sverris Hermannssonar ætlar að draga fram gömul leikföng, þar verður geit með kiðlinga fyrir utan húsið, kex og kókómjólk í boði Kexverksmiðjunnar og M.S. mjólkur.
Opið 10:30-16:30

Skoðið nánar á www.smamunasafnid.is

Breytt dagskrá til vors
Það tilkynnist hér með að dagskrá Tónlistarhússins Laugarborgar tekur breytingum til vors frá því sem fram kemur í dagskrárbæklingi.

Tónleikar 6. maí í Laugarborg,
tónleikar hefjast kl. 15.00
Miðaverð kr. 2.000,-
Flytjendur: Sigurður Flosason, saxofónn & Kjartan Valdimarsson, píanó
Efnisskrá: Sönglög eftir Franz Schubert á saxofón og píanó