Fréttayfirlit

Eins og í fyrra, ætlum við að taka þátt í landsátakinu í sundi. Þá skrá allir hvað þeir synda og í fyrra syntu landsmenn 11,6 hringi í kringum landið. Markmiðið með átakinu er að hvetja almenning til þess að hreyfa sig oftar og meira í sínu daglega lífi og nota meðal annars sund til þess. Á síðunni www.syndum.is er hægt að fylgjast með hvernig gengur í átakinu. Þar er einnig hægt að búa til aðgang til þess að skrá hversu mikið er synt. Fyrir þá sem kjósa það heldur, þá verðum við með skráningarblað í afgreiðslunni þar sem fólk getur skráð vegalengdirnar. Við sendum svo þær skráningar inn vikulega. Þeir sem skrá sig og taka þátt geta átt von á að verða dregnir út og vinna veglega vinninga. Verum dugleg að synda og vonandi taka sem flestir þátt

Sveitarstjórn Eyjafjarðarsveitar - 597 FUNDARBOÐ 597. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 3. nóvember 2022 og hefst kl. 08:00.

Vegna framkvæmda við Eyjafjarðarbraut vestri og tengingar hennar við Hrafnagilshverfi verður gámasvæðið opið í dag á nýrri staðsetningu, norðan við Bakkatröð, á venjulegum opnunartíma kl. 13:00-17:00. Beðist er velvirðingar á því að afgreiðsla/aðstoð gæti verið gloppótt þar sem verið er að klára flutningana. Nánari upplýsingar gefur Halli í síma 893-0503.

Ert þú með hugmynd að verkefni? Dagana 25. -28. október nk. ferðast ráðgjafar Uppbyggingarsjóðs Norðurlands eystra um landshlutann og bjóða upp á viðtalstíma og persónulega ráðgjöf. Fimmtudagur 27. október Eyjafjarðarsveit kl. 9:00 - 10:30 Skrifstofa Eyjafjarðarsveitar, Skólatröð 9

Vegagerðin opnar nýjan umferðarvef, umferdin.is, á morgunfundi nk. fimmtudag. Vefurinn mun sinna því hlutverki sem núverandi færðarkort Vegagerðarinnar hefur sinnt um árabil og flestir vegfarendur þekkja vel. Nýi vefurinn verður mun aðgengilegri, sérstaklega í snjalltækjum, og mun gefa mun meiri möguleika til framþróunar. Vefurinn umferdin.is birtir færðar- og veðurupplýsingar Vegagerðarinnar sem nú má sjá á færðarkorti á vefnum vegagerdin.is. Búið er að færa færðarkortið og þær upplýsingar sem því fylgja til nútímalegra horfs. Sem dæmi er færðarkortið nú þysjanlegt og mun auðveldara að nálgast allar upplýsingar. Nýr vefur mun einnig auðvelda Vegagerðinni að bæta og auka alla upplýsingagjöf og þróa til framtíðar. Í vetur verða bæði nýr og eldri vefur aðgengilegir og uppfærðir meðan reynsla fæst af hinum nýja vef. Dagskrá Bergþóra Þorkelsdóttir, forstjóri Vegagerðarinnar opnar fundinn Hvað felst í nýjum vef, Bergþóra Kristinsdóttir, framkvæmdastjóri þjónustusviðs Vegagerðarinnar kynnir hinn nýja vef Using DATEXII in Iceland Robin Tenhagen frá TomTom segir frá reynslu fyrirtækisins af því að nýta umferðar- og færðarupplýsingar Vegagerðarinnar Systurvefurinn sjólag.is Helgi Gunnarsson, verkfræðingur á hafnadeild Vegagerðarinnar kynnir vefinn Fundurinn hefst klukkan 9 í höfuðstöðvum Vegagerðarinnar, Suðurhrauni 3 í Garðabæ. Allir er velkomnir en óskað er eftir að fólk skrái sig hér: https://forms.office.com/r/ws9MGm76AU Fundinum verður einnig streymt fyrir þá sem heima sitja. Hlekkur á streymið; https://livestream.com/accounts/5108236/events/10648669 Fyrirspurnir er hægt að senda inn í gegnum slido.com aðgangskóði: #umferdin

Seinni kynningarfundur Uppbyggingarsjóðs verður í hádeginu á morgun 19. október 2022 kl. 12:15-13:00. Kynningin fer fram í gegnum TEAMS og fá skráðir þátttakendur sent fundarboð. Vinsamlegast athugaðu að skrá þig fyrir kl. 10:00 á morgun til að tryggja að þú fáir fundarboð á tilsettum tíma. Smelltu hér til að skrá þig: https://forms.office.com/r/X9Rbpg04nM Fundurinn hefst á kynningu á Uppbyggingarsjóði, þá er farið í gegnum hagnýt ráð við umsóknarskrifin, verklagsreglur ræddar og fleira. Opið verður fyrir spurningar á meðan á fundi stendur. Fundurinn verður ekki tekinn upp.

Sveitarstjórn Eyjafjarðarsveitar - 596 FUNDARBOÐ 596. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, fimmtudaginn 20. október 2022 og hefst kl. 08:00.

Opið verður fyrir umsóknir í Uppbyggingarsjóð Norðurlands eystra frá kl. 13:00 miðvikudaginn 12. október, til kl. 13:00 fimmtudaginn 17. nóvember 2022. Úthlutun fer fram í lok janúar 2023. Veittir eru styrir í eftirfarandi þremur flokkum: Verkefnastyrkir á sviði atvinnuþróunar og nýsköpunar Verkefnastyrkir á sviði menningar Stofn- og rekstrarstyrkir á sviði menningar

Hafin er vinna við gerð fjárhagsáætlunar Eyjafjarðarsveitar fyrir árin 2024-2026. Því er auglýst eftir erindum, umsóknum, tillögum og ábendingum íbúa, félagasamtaka og fyrirtækja í Eyjafjarðarsveit um mál sem varða gerð fjárhagsáætlunar. Þeir aðilar sem vilja koma með erindi, umsóknir, tillögur og/eða ábendingar er bent á að senda þær á esveit@esveit.is í síðasta lagi 31. október 2022.

Um er að ræða 100% stöðu leikskólakennara/leiðbeinanda Leikskólakennari, leikskólaliði eða starfsmaður með aðra menntun sem nýtist í starfi og/eða reynslu af vinnu með ungum börnum óskast til starfa í leikskólanum Krummakoti. Í leikskólanum er 100% stöðugildi skipulagt sem 37 klukkustundir á viku. Leikskólinn er í Hrafnagilshverfi, aðeins tíu kílómetra sunnan Akureyrar. Á Krummakoti eru 65 dásamleg börn sem eru á aldrinum 1 - 6 ára. Svæðið í kringum skólann er sannkölluð náttúruperla, útikennslusvæðið stórt og gönguleiðir víða. Við leggjum áherslu á jákvæðan aga, söguaðferð (story line) og útikennslu. Starfsmannahópurinn á Krummakoti er öflugur og stendur þétt saman. Unnið er að byggingu nýs húsnæðis fyrir leikskólann sem stefnt er á að opna árið 2024 og gefst því færi á að taka þátt í spennandi tímum og mótun starfsins í nýju húsnæði. Við mat á umsóknum er horft til eftirfarandi: Leyfisbréf sem leikskólakennari, uppeldismenntun eða önnur menntun sem nýtist í starfi. Reynsla af uppeldis- og kennslustörfum með ungum börnum æskileg. Framúrskarandi samskiptahæfileikar. Metnaður og áhugi til að þróa gott skólastarf. Góð íslenskukunnátta. Frekari upplýsingar veitir Erna Káradóttir leikskólastjóri í síma 464-8120, netfang erna@krummi.is. Umsóknarfrestur er til 24. október 2022 Umsóknum skal fylgja ferilskrá og upplýsingar um meðmælendur. Umsóknir sendist til leikskólastjóra á netfangið erna@krummi.is