Fréttayfirlit

Lámarksþjónusta vegagerðar í dag en skólabílar eiga að komast leiða sinna

Leiðinda veður er í dag og fer frekar versnandi fram til klukkan 18, með aukinni úrkomu. Víða skefur þannig að það torveldur umferð minni bíla sérstaklega. Vegagerðin er með lágmarksþjónustu framan miðbrautar þar til veðri slotar en þó er stefnt á að moka þannig að skólabílar komist leiða sinna. Næstu nótt verður síðan mokað betur þegar veður hefur gengið niður og ættu allir að komast leiða sinna að morgni miðvikudags.
14.01.2020
Fréttir

Eyjafjarðarbraut lokuð við Skáldstaði vegna vatnsflæmis úr Eyjafjarðará

Eyjafjarðará hefur brotist úr árfarvegi sínum við Skáldstaði og er vegurinn því lokaður, vegfarendum bent á að fara Hólaveg, austan ár, þurfið þeir að komast framar í sveitina.
13.01.2020
Fréttir

Snjómokstur aðfaranótt föstudags

Stefnt er á að mokað verði í nótt, aðfaranótt föstudags, líkt og fyrri nótt. Veður er hinsvegar með því móti að fljótt skefur í skafla og því mikilvægt að vegfarendur hafi varann á en ófært getur orðið með skömmum fyrirvara í þeim aðstæðum sem nú eru.
09.01.2020
Fréttir

Snjómokstur

Búið er að moka neðri hringinn að Hrafnagili og verður honum haldið opnum í dag. Þá er verið að moka Eyjafjarðarsbraut vestri að Gullbrekku. Fylgst verður með veðri og verða aðrar leiðir mokaðar um leið og veður gengur niður.
08.01.2020
Fréttir

Nafnasamkeppni

Í nóvember sl. samþykktu EYÞING, Atvinnuþróunarfélag Eyjafjarðar og Atvinnuþróunarfélag Þingeyinga sameiningu félaganna þriggja undir hatti nýrra samtaka. Þessi samtök atvinnuþróunar og sveitarfélaga á Norðurlandi eystra efna hér með til nafnasamkeppni um heiti félagsins.
07.01.2020
Fréttir

Umsóknarfrestur vegna áhersluverkefna framlengdur til 31. janúar 2020

Vakin er athygli á að umsóknarfrestur vegna áhersluverkefna fyrir árið 2020 hefur verið framlengdur til 31. janúar 2020.
07.01.2020
Fréttir

Kynningarfundum í Borgarnesi, Húnavatnshreppi, Reykjadal og á Egilsstöðum frestað

Kynningarfundum umhverfis- og auðlindaráðherra um Hálendisþjóðgarð, sem halda átti í Borgarnesi og Húnavatnshreppi í dag og í Reykjadal og á Egilsstöðum á morgun er frestað vegna veðurs. Nýjar tímasetningar fyrir fundina verða auglýstar á næstu dögum.
07.01.2020
Fréttir

Hjálparsími Rauða krossins sími 1717

Mikið hefur gengið á í Eyjafjarðarsveit og víða um land allt núna í desember. Á fundi Samráðshóps áfallahjálpar í umdæmi Almannavarnanefndar Eyjafjarðar var m.a. rætt um að benda fólki á að hafa samband við hjálparsíma RKÍ s: 1717, ef það eða einhverjir sem það þekkir til, eru með vanlíðan vegna þessara mála. Hjálparsími og netspjall Rauða Krossins: „hægt er að hafa samband vegna alls þess sem þér liggur á hjarta og fá sálrænan stuðning, ráðgjöf, hlustun og upplýsingar um þau úrræði sem í boði eru í íslensku samfélagi.“ Heimasíða: raudikrossinn.is.
23.12.2019
Fréttir

Jólakveðja

Sendum öllum íbúum Eyjafjarðarsveitar bestu óskir um gleðileg jól og farsæld á komandi ári. Þökkum ánægjuleg samskipti á árinu sem er að líða. Sveitarstjórn og starfsfólk á skrifstofu Eyjafjarðarsveitar.
20.12.2019
Fréttir

Auglýsingablaðið yfir hátíðarnar

Skilafrestur auglýsinga í næstu tvö auglýsingablöð verður fyrir kl. 10:00: -mánudaginn 23. des. fyrir blaðið sem dreift verður föstudaginn 27.des. -mánudaginn 30. des. fyrir blaðið sem dreift verður 2. eða 3. jan. 2020. Auglýsingar óskast sendar á esveit@esveit.is eða í síma 463-0600. Skrifstofa Eyjafjarðarsveitar.
18.12.2019
Fréttir