Fréttayfirlit

Vegna Hrekkjavöku verður slökkt á götulýsingu í Hrafnagilshverfi í dag 27. okt. milli kl. 18:00 og 21:00 nema ekki á Eyjafjarðarbraut vestri í gegnum hverfið. Sjá nánar um Hrekkjavöku í hverfinu hér https://www.esveit.is/is/mannlif/vidburdir/hrekkjavokuhatid  Allir velkomnir.

FUNDARBOÐ 619. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 26. október 2023 og hefst kl. 08:00. Dagskrá: Fundargerðir til staðfestingar 1. Framkvæmdaráð - 140 - 2310004F 2. Skipulagsnefnd Eyjafjarðarsveitar - 399 - 2310005F 2.1 2306003 - Brúnaholt - umsókn um byggingarreit fyrir íbúðarhús 2.2 2309015 - Jódísarstaðir - breyting á aðal- og deiliskipulagi 2023 2.3 2309044 - Hvítbók um skipulagsmál 2.4 2310008 - Svæðisskipulagsnefnd Eyjafjarðar - ósk um umræðu um endurskoðun skipulags 2.5 2310005 - Athafnasvæði á Bakkaflöt - deiliskipulag og breyting á Aðalskipulagi Fundargerðir til kynningar 3. HNE - Fundargerð 231 - 2309036 4. Norðurorka - Fundargerð 289. fundar - 2309039 5. Samband íslenskra sveitarfélaga - fundargerð 934 - 2310019 6. Samband íslenskra sveitarfélaga - fundargerð 935 - 2310026 7. SSNE - Fundargerð 55. stjórnarfundar - 2310020 Almenn erindi 8. Okkar heimur góðgerðarsamtök - Fjölskyldusmiðjur á Akureyri - 2310016 9. Umboðsmaður barna - Boð á barnaþing 16.-17. nóvember 2023 - 2310017 10. Lög um farsæld barna, samþætting þjónustu, innleiðingarferli - 2201017 11. Skipan í nefndir og ráð 2022 til 2026 - 2205018 12. Skólastefna Eyjafjarðarsveitar - 2310027 13. Fjárhagsáætlun Eyjafjarðarsveitar 2024 til 2027 - 2310012 24.10.2023 Stefán Árnason, skrifstofustjóri.  

Í dag fer fram útför Birgis Þórðarsonar fyrrverandi oddvita Eyjafjarðarsveitar. Birgir var oddviti Öngulsstaðahrepps um árabil. Hann vann að sameiningu hreppanna sunnan Akureyrar sem mynduðu Eyjafjarðarsveit 1. janúar 1991. Birgir var fyrsti oddviti Eyjafjarðarsveitar og gengdi því embætti til 1998. Eyjafjarðarsveit þakkar Birgi mikið og óeigingjarnt starf í þágu sveitarfélagsins og sendir fjölskyldu hans innilegar samúðarkveðjur.

Sveitarstjórn Eyjafjarðarsveitar ályktaði um stöðu bænda á fundi sínum þann 12.október þar sem fram kemur að sveitarstjórn hefur miklar áhyggjur af stöðu þeirra. Ályktunina má lesa í fréttinni hér að neðan.

Sameinuðu þjóðirnar hafa tileinkað þriðja sunnudag í nóvember alþjóðlegum minningardegi um fórnarlömb umferðarslysa. Í ár verður haldin minningarathöfn við þyrlupallinn við Landspítalann í Fossvogi sunnudaginn 19. nóvember. Öll eru velkomin. Einingar Slysavarnafélagsins Landsbjargar og fleiri viðbragðsaðilar munu einnig standa fyrir táknrænum athöfnum víða um land, sunnudaginn 19. nóvember og verður streymt frá einhverjum þeirra á Facebooksíðum björgunarsveita og slysavarnadeilda. Að baki minningardeginum standa auk Samgöngustofu, innviðaráðuneytið, Sjálfsbjörg, Slysavarnafélagið Landsbjörg, Neyðarlínan, Lögreglan og Vegagerðin. Útvarpsstöðvar landsins sameinast í spilun á When I think of angels Lagið When I think of Angels er orðið einkennislag minningardagsins hér á landi. Það er samið af KK (Kristjáni Kristjánssyni) og sungið af systur hans Ellen. Kristján samdi lagið til minningar um systur þeirra sem lést í umferðarslysi í bandaríkjunum árið 1992. Allar útvarpsstöðvar landsins með beinar útsendingar munu sameinast í spilun lagsins kl. 14:00 á minningardeginum. Upplýsingar um dagskrá og væntanlega viðburði Sjá nánar hér 

Eyjafjarðarsveit veitir fjárstyrk til eigenda fasteigna í Eyjafjarðarsveit í því skyni að setja upp varmadælur sem draga úr notkun raforku til upphitunar á íbúðarhúsnæði þar sem föst búseta (lögheimili) er skráð á þeim svæðum sem dreifikerfi hitaveitu nær ekki til. Styrkurinn er hugsaður til þess að styrkja eigendur og íbúa viðkomandi fasteigna til þess að setja upp varmadælu þar sem því verður ekki komið við að nýta hitaveitu tæknilega eða með hagkvæmum hætti fjárhagslega. Skilyrði styrks Eyjafjarðarsveit styrkir þinglýstan eiganda íbúðarhúsnæðis sem hyggst ráðast í framkvæmd vegna varmadælu til orkusparnaðar. Skilyrði er að umrædd fasteign njóti nú þegar niðurgreiðslu til húshitunar og að framkvæmdin hljóti styrk frá Orkustofnun. Styrkur fæst eingöngu til kaupa á varmadælu og efni tengdu henni innan tæknirýmis. Ekki er veittur styrkur til efniskaupa á lögnum í húsi eða breytingar á lögnum sem fyrir eru utan tæknirýmis þrátt fyrir að það séu afleiðingar af uppsetningu varmadælunnar. Upphæð styrks Eyjafjarðarsveit styrkir eiganda fasteignar um allt að 50% af efniskostnaði samkvæmt ofangreindu sem fellur á eiganda fasteignar eftir að styrkur frá Orkustofnun hefur verið greiddur og aðrar niðurgreiðslur sem við eiga, þó getur styrkur frá sveitarfélaginu aldrei orðið hærri en 500.000 krónur. Samþykki styrks og greiðsla Umsækjandi skilar inn undirritaðri styrkumsókn til Eyjafjarðarsveitar þar sem framkvæmdinni eru gerð skil. Umsókninni skulu fylgja allar viðeigandi kvittanir, samningur við Orkustofnun og staðfesting á greiðslu styrks frá Orkustofnun til sama verkefnis. Aðilar geta sótt um styrkinn með því að hafa samband við skirfstofu sveitarfélagsins eða með því að fylla út umsóknina á heimasíðunni en slóðina má nálgast hér.

Nú þegar vetur gengur í garð kannar sveitarfélagið hverja vantar mögulega aðstoð við akstur til að komast í félagsstarf eldri borgara á þriðjudögum. Hvetjum við alla sem hafa áhuga á að komast í starfið en sjá sér ekki fært á að mæta vegna aksturs að hafa samband við skrifstofu Eyjafjarðarsveitar í síma 463-0600. Mikilvægt er fyrir okkur að fá nafn, heimilisfang og símanúmer svo við getum haft aftur samband varðandi frekari útfærslu þjónustunnar. Sveitarstjóri.

Tímaritið okkar Eyvindur kemur út fyrir jólin eins og venjulega. Því óskum við eftir að fá sent til okkar t.d. skemmtilegar sögur, ljóð eða annað sem þið hafið samið til að birta. Eins eru ábendingar vel þegnar um spennandi viðtals- eða umfjöllunarefni, jafnvel ljósmyndir fyrr og nú, samanburð af húsum eða sjónarhorni, hvað eina sem ykkur dettur í hug og gæti átt erindi í Eyvind. Kær kveðja frá ritnefnd Benjamín Baldursson s: 899-3585, tjarnir@simnet.is Berglind Kristinsdóttir s: 693-6524, berglind@esveit.is Arnbjörg Jóhannsdóttir s: 894-6922, kvistar@internet.is Snæfríð Egilson, snaefrid66@gmail.com Arnór Bliki Hallmundsson s: 864-8417, hallmundsson@gmail.com

FUNDARBOÐ 618. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 12. október 2023 og hefst kl. 08:00 Dagskrá: Fundargerðir til staðfestingar 1. Framkvæmdaráð - 139 - 2310001F 2. Skipulagsnefnd Eyjafjarðarsveitar - 398 - 2310002F 2.1 2306026 - Finnastaðir - beiðni frá HMS um aðgreiningu staðfanga 2.2 2303030 - Stóri-Hamar 1 - ósk um breytingu á aðalskipulagi vegna efnistökusvæðis 2.3 2310011 - Teigur - umsókn um framlengingu á leyfi til efnistöku 2023 2.4 2309035 - Háaborg - umsókn um stofnun lóðar 2.5 2211015 - Umsókn um framkvæmdaleyfi, endurbætur á landbúnaðarlandi og stækkun á túni 2.6 2309044 - Hvítbók um skipulagsmál 2.7 2310010 - Svæðisskipulagsnefnd Eyjafjarðar - fundargerð 12. fundar 2.8 2310008 - Svæðisskipulagsnefnd Eyjafjarðar - ósk um umræðu um endurskoðun skipulags 2.9 2310005 - Athafnasvæði á Bakkaflöt - deiliskipulag og breyting á Aðalskipulagi 2.10 2309038 - Umhverfis-, orku- og auðlindaráðuneytið - Bréf til sveitarfélaga um innviði fyrir orkuskipti Fundargerðir til kynningar 3. Tónlistarskóli Eyjafjarðar - Fundargerð 141. fundar skólanefndar - 2309041 4. Tónlistarskóli Eyjafjarðar - Fundargerð 142. fundar skólanefndar - 2309042 5. Tónlistarskóli Eyjafjarðar - Fundargerð 143. fundar skólanefndar - 2309040 Almenn erindi 6. Drög að ályktun vegna sameiningar framhaldsskólanna á Akureyri - 2309021 7. Breyting á Samþykkt um stjórn Eyjafjarðarsveitar - 2109024 8. Drög að samþykkt um Öldungaráð - síðari umræða - 2202017 9. Málstefna Eyjafjarðarsveitar - 2309007 10. Til umsagnar tillaga til þingsályktunar um stefnumótandi áætlun í málefnum sveitarfélaga fyrir ári 2024-2038 og aðgerðaáætlun fyrir árin 2024-2028 - 2309043 11. Kjördæmadagur haust 2023 - 2310006 12. Skipan í nefndir og ráð 2022 til 2026 - 2205018 13. Stefna gegn Eyjafjarðarsveit - 2104019 14. Staða á rekstri málaflokka 31.08.2023 - 2310013 15. Fjárhagsáætlun Eyjafjarðarsveitar 2024 til 2027 - fyrri umræða - 2310012 16. Samráðsfundur - fulltrúar aldraðra - 2111001 17. Málefni landbúnaðar - 2310015 10.10.2023 Stefán Árnason, skrifstofustjóri.

Hrafnagilsskóli er grunnskóli í dreifbýli um 12 km. fyrir innan Akureyri og eru um 180 nemendur í skólanum. Hrafnagilsskóli er heilsueflandi grunnskóli og uppeldisstefnan er Jákvæður agi. Skólaþróun síðustu ár hefur m.a. snúist um heilsueflingu, tölvur og tækni. Heimasíða Hrafnagilsskóla er www.krummi.is. Stuðningsfulltrúi á yngsta stigi og starfsmaður í frístund Óskum eftir að ráða starfsmann í 50 - 65% starfshlutfall. Um er að ræða stuðning með nemanda í 1. bekk og vinnu í frístund. Hæfniskröfur starfsmanns: Sýnir metnað fyrir hönd nemenda. Vinnur í samvinnu við kennara og annað fagfólk. Sýnir hæfni í mannlegum samskiptum. Sýnir frumkvæði, skipulagsfærni og sjálfstæði í vinnubrögðum. Hefur gott orðspor og athafnir á vinnustað samrýmast starfinu. Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Starfsmaður þarf að geta hafið störf sem fyrst. Nánari upplýsingar veita skólastjórnendur; Hrund Hlöðversdóttir og Björk Sigurðardóttir í símum 464-8100 og 699-4209. Sótt er um stöðuna með því að senda umsókn, ferilskrá og greinagerð með netpósti á netföngin hrund@krummi.is eða bjork@krummi.is.