Fréttayfirlit

Í tilefni Stóra Plokkdagsins sunnudaginn 28. apríl, vill atvinnu- og umhverfisnefnd hvetja íbúa Eyjafjarðarsveitar til átaks í ruslatínslu og almennri tiltekt. Víða má finna rusl í vegköntum, plast á girðingum og fleira.

Þann 18.apríl síðastliðinn rann út umsóknarfrestur vegna stöðu skólastjóra Hrafnagilsskóla. Alls sóttu fjórir einstaklingar um stöðuna en ein umsókn var dregin til baka.

Verður haldið á Þórsvellinum, þ.e. frjálsíþróttavellinum við Bogann, á Akureyri, miðvikudaginn 1. maí og hefst kl 12:00 Leikskólahlaup: 400m - einn hringur á vellinum Grunnskólahlaup: Hægt að velja um 2 km eða 5 km. 5 km hlaup: Fyrir fólk á öllum aldri - verðlaun fyrir fyrstu þrjú sætin í nokkrum aldursflokkum. Allir skráðir þátttakendur fá verðlaunapening, pizzu frá Sprettinum og hressingu frá MS að hlaupi loknu. Keppendur þarf að skrá á netinu fyrir keppnisdag, en keppnisgögn (númer) og sundmiðar verða afhent í Hamri þriðjudaginn 30. apríl milli kl. 16:00 og 18:00 og í Hamri á keppnisdag frá 9:30 - 11:30. Hlaupið er keppni á milli grunnskóla þar sem keppt er um hlutfallslega þátttöku og sá skóli sem sigrar hlýtur verðlaunabikar. Allir krakkar fá frítt í hlaupið, þökk sé Akureyrarbæ, Þelamerkurskóla, Eyjafjarðarsveit og Svalbarðsstrandarhrepp. Auk fyrrnefndra sveitarfélaga og skóla, styrkir Sprettur-inn, MS og stéttarfélögin á Eyjafarðarsvæðinu hlaupið, kunnum við þeim bestu þakkir fyrir. Frekari upplýsingar og myndir af hlaupaleiðum má finna hér: Nánari upplýsingar - 1. maí hlaup Við hvetjum alla til að skrá sig og sína í hérna: Skráning í 1. maí hlaup

Umhverfisstofnun hefur móttekið umsókn frá ORF Líftækni hf. um leyfi til tilraunaræktunar utanhúss á erfðabreyttu byggi (Hordeum vulgare) á Klauf í Eyjafjarðarsveit. Er hér gefinn kostur á að koma að athugasemdum um ofangreinda umsókn til útiræktunar á erfðabreyttu byggi. Frestur til að skila slíkum athugasemdum er til lok dags 19.maí eða 30 dagar frá birtingu fréttar. Merkja skal umsagnir UST202401-451.

FUNDARBOÐ 631. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, miðvikudaginn 17. apríl 2024 og hefst kl. 17:00.

Leikskólinn er í Hrafnagilshverfi, aðeins tíu kílómetra sunnan Akureyrar. Á Krummakoti er 81 dásamlegt barn á aldrinum 1 - 6 ára. Svæðið í kringum skólann er sannkölluð náttúruperla, útikennslusvæðið stórt og gönguleiðir víða. Við leggjum áherslu á jákvæðan aga, söguaðferð og útikennslu. Starfsmannahópurinn á Krummakoti er öflugur og stendur þétt saman. Laun eru greidd samkvæmt kjarasamningum sveitarfélaga við viðkomandi stéttarfélag. Framkvæmdir við byggingu nýs húsnæðis fyrir leikskólann eru nú í fullum gangi sem opnar árið 2025 og gefst því færi á að taka þátt í spennandi tímum og mótun starfsins í nýju húsnæði. Menntunar- og hæfniskröfur • Skipulögð vinnubrögð, sjálfstæði og frumkvæði. • Framúrskarandi samskiptahæfileikar og þjónustulund. • Æskilegt er að umsækjendur hafi gott vald á íslensku. • Metnaður og áhugi til að taka þátt í þróun á góðu skólastarfi. Öllum umsóknum verður svarað. Frekari upplýsingar veitir Erna Káradóttir leikskólastjóri í síma 464-8120, netfang erna@krummi.is

Íbúafundur var haldinn 9. apríl í Laugarborg um endurskoðun skólastefnu Eyjafjarðarsveitar. Ef þú misstir af fundinum eða vilt bæta einhverju við þá er tækifærið hér að taka þátt í þessari könnun og leggja þitt af mörkum. Öllum í Eyjafjarðarsveit er velkomið að taka þátt! Innlegg þitt er nafnlaust og könnunin er opin í 7 daga.

Íbúafundur verður haldinn í Laugarborg þriðjudaginn 9.aptíl klukkan 20:00 um endurskoðun skólastefnu Eyjafjarðarsveitar. Vinna er hafin við endurskoðun skólastefnunnar sem er frá 2017. Verkefnið er fólgið í því að greina núverandi stöðu á gildandi skólastefnu og móta framtíðarsýn með skýrum viðmiðum um gæði menntastarfs.

Velferðar- og menningarnefnd auglýsir eftir umsóknum í Menningarsjóð Eyjafjarðarsveitar. Umsóknarfrestur hefur verið framlengdur til og með 21.apríl næstkomandi og fer fyrri úthlutun ársins fram í byrjun maí.

FUNDARBOÐ 630. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 4. apríl 2024 og hefst kl. 08:00